आज विज्ञानाच्या आणि तंत्रज्ञानाच्या युगात मोबाईल ने आपले जीवन गतिमान जरी केले असले तरी मोबाईलच्या अतिरिक्त व अवास्तव वापरामुळे आपण आपले शारीरिक क्षमता कमी करत आहोत, हे असेच चित्र राहिल्यास आपले स्वतःवर दुर्लक्ष होऊन मोबाईलच्या विळख्यात आपले आयुष्यच हरवून जाईल , यापासून आजच्या पिढीला परावृत्त करून किमान एक तास तरी आपल्या स्वतःसाठी द्यावा , या साठी ONE HOUR MOBILE NEVER म्हणजेच एक तास मोबाईल व्यतिरिक्त ही अभिनव संकल्पना विद्यार्थी , पालक व नागरिकांमध्ये राबविण्यात येत असल्याची माहिती संकल्पना संयोजक तथा माजी नगरसेवक प्रशांत डवरे यांनी पत्रकार परिषदेतून दिली . या साठी एक प्रतिज्ञा सुद्धा बनविण्यात आली असून १ फेब्रुवारी पासून याचे सर्व ठिकाणी वाचन करण्यात येणार असल्याचे सुद्धा यावेळी सांगण्यात आले. तसेच श्रम साफल्य अभियंता क्रीडांगण विकास समिती व श्री क्रिकेट ॲकॅडमी च्या वतीने १ फेब्रुवारी ते ५ फेब्रुवारी पर्यंत आयोजित भव्य रात्र कालीन कास्को टेनिस बॉल स्पर्धा २०२३ चे आयोजन करण्यात आले आहे . स्पर्धेचे उदघाटन तसेच श्रम साफल्य अभियंता कॉलनीतील क्रीडांगणाच्या चैनलिंग फेन्सिंग व सौदर्यीकरणाचे लोकार्पण येत्या १ फेब्रुवारी २०२३ रोजी आ. सौ. सुलभाताई संजय खोडके यांच्या शुभ हस्ते होणार आहे. तर तर ५ फेब्रुवारी रोजी बक्षीस वितरण सोहळा आयोजित केला असल्याचे सुद्धा राष्ट्रवादी काँग्रेस चे शहराध्यक्ष तथा माजी नगरसेवक प्रशांत डवरे यांनी पत्रकार परिषदेतून सांगितले . या पत्रकार परिषदेला पोदार इंटरनेशनल स्कूल कठोरा शाखा चे प्राचार्य-सुधीर महाजन,राष्ट्रवादी काँग्रेस महिला आघाडी जिल्हाध्यक्ष सौ. संगीताताई ठाकरे,श्रमसाफल्य अभियंता क्रीडांगण विकास समितीचे अध्यक्ष सुमित इंगोले, राष्ट्रवादी युवक काँग्रेसचे शहराध्यक्ष ऋतुराज राऊत,सरचिटणीस-सचिन दळवी,सचिन उर्फ छोटू खंडारे, इंजिनिअर-पंकज कांडलकर,उमेश जगताप,पंकज हरणे, गजानन दळवी,सर्वज्ञ बारबदे, आदी उपस्थित होते.
मोबाईल संस्कृतीतून बाहेर पडण्यासाठी…वन अवर मोबाईल नेव्हर चा उपक्रम माजी नगरसेवक प्रशांत डवरे यांची अभिनव संकल्पना
