पोटच्या पोराची आईसह कुटुंबीयांनी 5 लाखांची सुपारी देऊन हत्या घडवून आणली. ही गंभीर घटना आज उघडकीस आली असून या प्रकरणी लोहारा पोलिसांनी हत्या करणाऱ्या दोघांसह सहा जणांना अटक केली. अवघ्या काही तासात हा गुन्हा उघडकीस आणण्यात पोलिसांना यश आले आहे.योगेश विजय देशपांडे (28) रा. नेरपिंगली, ता. मोर्शी असे मृताचे नाव आहे. स्वतः आरोपी विकी भगत याने चौसाळा जंगलात एक अनोळखी पुरुष जातीचे प्रेत असल्याबाबत डायल 112 वर कॉल करून माहिती दिली. अनोळखी प्रेताची पाहणी करीत असताना प्रेताबाबत काही माहिती दिल्याने त्याच्यावर संशय आल्याने आरोपीस ताब्यात घेवून अधिक विचारपूस केली. तेव्हा सदर प्रकार उघडकीस आला.मृतकाची आई वंदना विजय देशमुख हिने मयातचे मोठे वडील मनोहर चौधरी रा. देविनगर लोहारा यांचे घरी मोठी आई उषा व चुलत भाऊ लखन, मोठे वडील यांचे समक्ष खुनाचा कट रचून आरोपी विकी भगत व राहुल पडाले यांना पाच लाख रुपयाची बोलणी करून नगदी दोन हजार रुपये देवून मयत मुलगा योगेश चौसळा जंगलात नेवून खून केलयाचे निष्पन्न झाले. याप्रकरणी फिर्यादी प्रपुल उत्तमराव वानखेडे यांचे तक्रारीवरून लोहारा पोलिसांनी विविध कलमाने गुन्हे दाखल केले आहे. तसेच सर्व सहा आरोपींना अटक केली आहे.
Written by Nagesh Wadekar
Other posts by author
- सुदृढ आरोग्यासाठी क्रीडा-कौशल्यपूरक जीवनशैलीचा अंगीकार करा – आ. सौ. सुलभाताई खोडके
- विद्युत पुरवठ्या संदर्भातील देखभाल व दुरुस्तीची कामे मान्सूनपूर्व तातडीने पूर्ण करा – आमदार सुलभाताई खोडके
- यवतमाळ : निवडणुकीचे काउंटडाऊन सुरू, भाऊ की ताई तर कार्यकर्त्याची लगीन घाई
- भारतरत्न डॉ बाबासाहेब आंबेडकरांच्या विचारांचा केंद्रबिंदू मानव आणि मानवच होता – आमदार सौ.सुलभाताई खोडके
- सुपर स्पेशालिटी हॉस्पिटल येथे आरोग्य सुविधेसाठी १३० कोटींचा निधी मंजूर