अमरावती : पाच वर्षांपूर्वी पोलीस खात्यातून निवृत्त झाले पण केव्हा मरण येईल हे माहिती नाही म्हणून चक्क जिवंत असतांना मृत्युपूर्वीच अमरावती शहरातील रहाटगाव येथे राहणाऱ्या सेवा निवृत्त पोलीस उपनिरीक्षक सुखदेव डबरासे यांनी जिवंतपनीच तेरवीचा कार्यक्रम घेतल्याचा एक अनोखा प्रकार पहायला मिळाला आहे.
आणि या कार्यक्रमासाठी त्यांनी नातेवाईकांना व मित्र मंडळीना पत्रिका वाटप करत माझ्या तेरवीचा कार्यक्रम आहे, जेवायला नक्की या असं देखील सांगितले होतं. त्यामुळे आज त्यांच्या निवासस्थानी मोठ्या प्रमाणावर गर्दी दिसून आली असून संपुर्ण अमरावती शहरात सध्या त्यांच्या या कार्यक्रमाची जोरदार चर्चा सुरू आहे.
मृत्यू कोणाचा हाती नाही व मृत्यू केव्हा होईल हे निश्चित नाही, तर मृत्यू नंतर सर्वच लोक अंत्यसंस्काराला जमतात मात्र ते पहायला आपण नसतो त्यामुळे जीवंतपनी “गेट टू गेदर” करायचं व मित्र मंडळ व नातेवाईकां सोबत मस्त गप्पा मारून मरायचं या विचार करून सुखदेव डबरासे यांनी जिवंतपनी स्वतःची नवीन वर्षाच्या पूर्वी थर्टी फस्टला स्वतःच्या तेरवीचा कार्यक्रम घेतला आहे अस सुखदेव डबरासे यांनी सांगितले.