राजस्थान मधील डुंगरपूर जिल्ह्यातील धंबोला पोलीस ठाणे हद्दीत एका वडिलांची क्रूरता समोर आली आहे. येथील लेखीबाडी गावात एका बापाने आपल्या दीड वर्षांच्या मुलीची हत्या करून तिचा मृतदेह नदीत फेकून दिला. दोन दिवसांनी ही बाब उघडकीस आल्यानंतर पोलिसांनी नदीतून मृतदेह बाहेर काढला. याप्रकरणी पोलिसांनी आरोपी वडिलांना ताब्यात घेतले आहे. धंबोला पोलीस ठाण्याच्या अधिकाऱ्यांनी दिलेल्या माहितीनुसार, भिलवा पंचेला येथील रहिवासी असलेल्या सीताचा विवाह ११ वर्षांपूर्वी नरेश याच्याशी झाला होता. नरेश आणि सीता यांना तीन मुली आहेत. ज्यामध्ये मोठी ५ वर्षांची आहे, दुसरी ४ वर्षांची आहे. तर तिसरी मुलगी ही अवघ्या दीड वर्षांची होती. पोलिसांना दिलेल्या अहवालात पत्नी सीताने सांगितले की, पती नरेश दारूच्या नशेत तिला मारहाण करायचा.
कामावरुन परतून पाहिलं तर पती आणि लहान मुलगी बेपत्ता
२८ मार्चला सकाळी सीता घरातून शेतातील गहू काढण्यासाठी गेली होती. तर तिच्या तीन मुली आणि पती नरेश घरी होते. संध्याकाळी काम आटोपून सीता घरी परतली तेव्हा तिचा पती आणि लहान मुलगी घरी नव्हते. रात्री आठ वाजता पती नरेश घरी आला तेव्हाही त्यांची लहान मुलगी सोबत नव्हती. सीताने पती नरेश यांना मुलीविषयी विचारले असता, त्याने सांगितलं की ती मित्राच्या घरी आहे सकाळी घेऊन येतो.
मारलं आणि नदीत फेकून दिलं
दुसऱ्या दिवशी २९ मार्चला सकाळी सीताने पुन्हा मुलीची चौकशी केली तेव्हा राजा टाळाटाळ करत राहिला. यानंतर सीता पिहार येथे गेली आणि तिने वडिलांना घटनेची माहिती दिली. दुसऱ्या दिवशी म्हणजे ३० मार्च रोजी नरेश दारूच्या नशेत सीताच्या माहेरी पोहोचला. तेव्हा तिथे सीताच्या वडिलांनी आणि भावाने पुन्हा नरेशला मुलीविषयी विचारपूस करतात. यावेळी अखेर नरेशने सांगितलं की त्याने मुलीची हत्या करून तिला नदीत फेकून दिले. यानंतर राजा तेथून पळून गेला. सीताने या संपूर्ण प्रकरणाबाबत धंबोला पोलीस ठाण्यात तक्रार नोंदवली. त्यानंतर पोलिसांनी मुलीचा मृतदेह नदीतून बाहेर काढला आणि फरार आरोपी वडील नरेशलाही अटक केली आहे. मुलीची आई आणि कुटुंबीयांच्या डोळ्यातील अश्रू थांबत नाही आहेत.
