जेष्ठ पत्रकार निखिल वागळे हे काल पुण्यात निर्भय बनो या कार्यक्रमात जात असताना निखिल वागळे यांच्या वाहनांच्या काचा फोडण्यात आल्यात व त्यांना कार्यक्रमापासून जाण्यास रोखण्यात आलं होतं. एका प्रकारे पत्रकार निखिल वागळे यांच्यावरील हा जीवघेणा हल्ला असल्याचा आरोप अमरावती मधील पत्रकारांनी केला. दरम्यान अमरावती येथील महात्मा गांधी यांच्या पुतळ्यासमोर महाराष्ट्र राज्य मराठी पत्रकार संघाच्या वतीने निखिल वागळे यांच्या वरील हल्लाचा निषेध नोंदवला, यावेळी राज्य सरकारने तातडीने या घटनेची गंभीरपणे दखल घेऊन हल्लाखोरांवर कडक कारवाई करावी अशी मागणी अमरावती मधील पत्रकारांनी केली आहे.
निखिल वागळे यांच्यावर झालेल्या हल्ल्याचा अमरावतीत निषेध
